Madaxweynaha Mareykanka Donald Trump ayaa kula taliyay Britain inaysan wadahadal la galin Midowga Yurub, balse ay tahay in ay “maxkamad” la koraan.
Trump ayaa sheegay Jimcihii shir jaraa’id oo ay wada qabteen Theresa May inuu u soo bandhigay Ra’iisul wasaaraha talooyin laakin waxay u aragtay mid adag oo xadka ka baxsan.
Waxa uu carabka ku adkeeyay inuusan wax dhibaato ah ku qabi doonin heshiis kasta oo ka dhexeeya Britain iyo Midowga Yurub.
Inkasta oo lagu cadaadiyey Madaxweynaha Maraykanka intii lagu guda jiray shirka jaraa’id, laakin wuu diiday inuu sheego talada uu u jeediyey Rai’sul Wasaaraha.
Wareysi ay la yeelatay BBC ayaa May ka jawaabtay su’aal ku saabsaneyd talada Trump uu siiyey, waxay tiri “wuxuu ii sheegay in aan maxkamadeeyo EU, oo aan la gelin wadahadalo.”
May ayaa ku dartay “Sidaas darteed waxaan doonayaa inaan la fadhiisto oo aan ka xaajoodo heshiiskii ugu wanaagsanaa ee Ingiriiska”.
Comments
Post a Comment